കാസര്‍കോട്‌: ബസില്‍ വെച്ച്‌ മാലപൊട്ടിച്ചോടിയ മൂന്ന്‌ യുവതികളില്‍ ഒരാളെ നാട്ടുകാര്‍ ഓടിച്ചിട്ട്‌ പിടികൂടി. രണ്ട്‌ യുവതികള്‍ ഓട്ടോയില്‍ കടന്നു കളഞ്ഞു. മുപ്പത്‌ വയസ്സ്‌ പ്രായം തോന്നിക്കുന്ന യുവതിയെയാണ്‌ നാട്ടുകാര്‍ പിടികൂടി പോലീസില്‍ ഏല്‍പ്പിച്ചത്‌. ശനിയാഴ്‌ച രാവിലെ 11.30 മണിയോടെ പുതിയ ബസ്‌സ്റ്റാന്‍ഡില്‍ വെച്ചാണ്‌ യുവതിയെ പിടികൂടിയത്‌. ചട്ടഞ്ചാല്‍ കരിച്ചേരിയില്‍ നിന്നും ബസില്‍ കയറിയ മാധവിയെന്ന നാല്‍പ്പത്തിയഞ്ചുകാരിയുടെ സ്വര്‍ണ്ണമാലയാണ്‌ ബസിലുണ്ടായിരുന്ന മൂന്ന്‌ നാടോടി യുവതികള്‍ പൊട്ടിച്ചോടിയത്‌. പഴയ ബസ്‌സ്റ്റാന്‍ഡില്‍ ബസിറങ്ങിയ മാധവിയുടെ മാല പൊട്ടിച്ച്‌ യുവതികള്‍ കടന്നുകളയാന്‍ ശ്രമിക്കുകയായിരുന്നു. മാധവി ബഹളം വെച്ചതോടെയാണ്‌ ഓട്ടോ ഡ്രൈവര്‍മാരും യാത്രക്കാരും യുവതിയെ ഓടിച്ചിട്ട്‌ പിടികൂടിയത്‌. ഇവരെ പിടികൂടിയപ്പോള്‍ കുതറിയോടി രക്ഷപ്പെടാന്‍ ശ്രമിച്ചെങ്കിലും നാട്ടുകാര്‍ തടഞ്ഞുവെച്ചു. യുവതിയെ തടഞ്ഞുവെച്ചപ്പോള്‍ നിലത്ത്‌ വീണ്‌ പരാക്രമം കാട്ടുകയും ചെയ്‌തു.
No comments:
Post a Comment