അഞ്ചു വയസ്സുകാരിയെ ബലാത്സംഗം ചെയ്ത ബന്ധു പിടിയില്‍

ഗാസിയബാദ്: യുപിയിലെ ഗാസിയബാദില്‍ അഞ്ച് വയസ്സുകാരിയെ ബലാത്സംഗം ചെയ്തയാളെ പൊലീസ് അറസ്റ്റ് ചെയ്തു. ബലാത്സംഗത്തിനിരയായതിനെ തുടര്‍ന്ന് ചികിത്സയിലായിരുന്ന പെണ്‍കുട്ടി കഴിഞ്ഞ ദിവസം ആശുപത്രിയില്‍ മരിച്ചു. യുപിയിലെ ഷാപൂര്‍ ഗ്രാമത്തില്‍ ഞായറാഴ്ചയാണ് സംഭവം നടന്നത്. അടുത്ത ബന്ധുവാണ് പെണ്‍കുട്ടിയെ ബലാത്സംഗത്തിനിരയാക്കിയത്. സംഭവം പെണ്‍കുട്ടിയുടെ അമ്മ കാണാനിടയാവുകയും ഗ്രാമ പഞ്ചായത്തില്‍ പരാതി നല്‍കുകയും ചെയ്തു. എന്നാല്‍, പെണ്‍കുട്ടിയുടെ ചികിത്സാ ചെലവ് നല്‍കണം എന്ന് ഉപദേശിച്ച് ഇയാളെ പഞ്ചായത്ത് വെറുതെ വിട്ടു. ആശുപത്രിയില്‍ പ്രവേശിപ്പിച്ചിരുന്ന പെണ്‍കുട്ടിയുടെ നില കഴിഞ്ഞ ദിവസം ഗുരുതരമാവുകയും മരണം സംഭവിക്കുകയുമായിരുന്നു. ഇതെതുടര്‍ന്ന് പൊലീസ് നടത്തിയ അന്വേഷണത്തില്‍ പെണ്‍കുട്ടിയുടെ ബന്ധുവിനെയും രണ്ട് പഞ്ചായത്ത് അംഗങ്ങളെയും പൊലീസ് അറസ്റ്റ് ചെയ്യുകയായിരുന്നു.